Xəzinədarlıq və kapitalın idarə olunması şöbəsinin böyük mütəxəssisi

Azərbaycan İnvestisiya Holdinqi Maliyyə əməliyyatlarının idarə edilməsi departamentinin Xəzinədarlıq və kapitalın idarə olunması şöbəsinə “Böyük mütəxəssis” vəzifəsi üzrə vakant yerə işə qəbul elan edir.

Vəzifə funksiyaları:

• Gündəlik nağd pul mövqelərini uzlaşdırmaq, elektron hesabatları sistemə idxal etmək və onları müvafiq olaraq izləmək və emal etmək;
• Nağdsız pul axını və likvidlik proqnozlarının hazırlanmasında iştirak etmək və bank hesabları arasında nağdsız pul hərəkətlərini həyata keçirmək;
• Gündəlik ödəniş emalı əməliyyatlarını izləmək, əməliyyatların proqnozlaşdırıldığı kimi irəliləməsini təmin etmək;
• Likvidlik proqnozlarına əsaslanaraq xarici valyuta ekspozisiyasını əks etdirən xarici valyuta mövqeyi (NFCP) sənədini yaratmaq;
• Faiz dərəcəsi və valyuta riskinə məruz qalmaları yoxlamaq və hərtərəfli təhlili aparmaq;
• Maliyyə tərəfdaşının müəyyən edilmiş limitlərinə qarşı əməliyyatları və ekspozisiyaları izləmək, təsdiqlənmiş həddə riayət etməyi təmin etmək;
• Valyuta məzənnələri və gəlir əyriləri kimi müvafiq bazar məlumatlarını təhlil edərək ssenarilərini yaratmaq, onların icrası və Azərbaycan İnvestisiya Holdinqinin maliyyə vəziyyətinə potensial təsirini müəyyən etmək üçün nəticələri qiymətləndirmək;
• Tarixi məlumatlardan, Monte Carlo simulyasiyasından və dəyişkənlik/kovariant yanaşmasından istifadə edərək bazar risk metrikalarını (məsələn, Riskdə Dəyəri, VaR) hesablamaq;
• Müqavilə, hesablaşma və ödəniş proseslərini əhatə edən qısamüddətli maliyyə əməliyyatlarını həyata keçirmək;
• Portfel hesabatını icra etmək, nəticələri qiymətləndirmək və müddətlərin uzadılması, hesablaşma və ya maliyyə mövqelərinin ləğvi kimi tədbirlər görmək, əməliyyatın təsdiqindən sonra ödənişləri həyata keçirmək və izləmək;
• İllik bank xidmətlərini nəzərdən keçirməkdə kömək etmək, yeni tərəfdaşlıqlar üçün şərtləri müqayisə etmək və müzakirə etmək;
• Zəruri olduqda, investorlar və əsas maraqlı tərəflər üçün təqdimat materiallarının hazırlanmasında dəstək göstərmək;
• Xəzinədarlıq portfeli və qiymətli kağızlar bazarı ilə bağlı hesabatları hazırlamaq.

Namizədə dair tələblər:

• Ali təhsil (maliyyə, idarəetmə, layihələrin idarə edilməsi);
• Müvafiq sahə üzrə ən azı 3 il iş təcrübəsi;
• MS Office və layihələrin idarə edilməsi üzrə müxtəlif proqramlarda səlis işləmək bacarığı;
• Müvafiq sahə üzrə müxtəlif sertifikatlara (CFA, CTP, ACT və s.) malik olan şəxslərə üstünlük verilir;
• Dil bilikləri: Azərbaycan dili (mükəmməl), İngilis dili (mükəmməl), Rus dili (arzuolunandır);
• Operativlik, dəqiqlik, məsuliyyətlilik və komanda ilə işləmək bacarığı.

Göstərilən tələbləri qarşılayan və vakansiya ilə maraqlanan namizədlər müraciətlərini 13 noyabr 2024-cü il tarixədək ünvanlaya bilərlər.

Yalnız seçilmiş namizədlərlə əlaqə saxlanılacaqdır.