İqtisadiyyat və planlaşdırma şöbəsinin Böyük mütəxəssisi

Azərbaycan İnvestisiya Holdinqi İqtisadiyyat və maliyyə departamentinin İqtisadiyyat və planlaşdırma şöbəsinə “Böyük mütəxəssis” vəzifəsi üzrə vakant yerə işə qəbul elan edir.

Vəzifə funksiyaları:

• İllik büdcənin hazırlanmasını həyata keçirmək;
• Rüblük və illik əsasda büdcənin icraatına nəzarət etmək, faktiki xərclər ilə büdcə arasında yaranmış fərqlərin təhlilini aparmaq;
• Azərbaycan İnvestisiya Holdinqinin və portfel şirkətlərinin idarəetmə hesabatlılığı üzrə standartlarının hazırlanması və onların təkmilləşdirilməsi ilə bağlı təkliflər verilməsində iştirak etmək;
• İdarəetmə hesabatlılığı üçün nəzərdə tutulan məlumatın toplanılması, tamlığının yoxlanılması, təhlillərin aparılması və sistemləşdirilməsinin həyata keçirilməsində iştirak etmək;
• Görülən işlər və onların nəticələrinə dair hesabatları müntəzəm olaraq şöbə müdirinə təqdim etmək;
• Şöbədaxili prosedurların tərtib olunmasında, təqdimatların hazırlanmasında yaxından iştirak etmək;
• İşgüzar danışıqlar aparmaq və daxil olan məktubları cavablandırmaq.

Namizədə dair tələblər:

• Ali təhsil (mühasibat uçotu, maliyyə, iqtisadiyyat və s. əlaqəli sahələr);
• Maliyyə, iqtisadiyyat, büdcələmə, investisiya sahəsi üzrə ən azı 3 il iş təcrübəsi;
• Maliyyə modelləri ilə işləmək, təhlil etmə bacarığı;
• Büdcə planlaması, investisiya dəyərləndirilməsi və layihələrin idarə edilməsi üzrə bilik və bacarıqlar;
• MS Excel, MS PowerPoint və Think-cell proqramlarında mükəmməl işləmək bacarığı;
• Müvafiq sahə üzrə müxtəlif sertifikatlara (CFA, FMVA, CAIA, FRM və s.) malik olan şəxslərə üstünlük verilir;
• Dil bilikləri: Azərbaycan dili (səlis), İngilis dili (mükəmməl), Rus dili (arzuolunandır);
• Yüksək səviyyəli analitik bacarıqlar və kritik düşünmə bacarığı;
• Təşəbbüskarlıq, liderlik bacarıqları, yüksək səviyyədə ünsiyyət, yazı və münasibət qurmaq bacarıqları; 
• Operativlik, dəqiqlik, məsuliyyətlilik və komanda ilə işləmək bacarığı.

Göstərilən tələbləri qarşılayan və vakansiya ilə maraqlanan namizədlər müraciətlərini 3 may 2024-cü il tarixədək ünvanlaya bilərlər.

Yalnız seçilmiş namizədlərlə əlaqə saxlanılacaqdır.