Birgə investisiyaların idarə edilməsi şöbəsinin aparıcı/böyük mütəxəssisi
Son tarix 23 oktyabr 2024
Azərbaycan İnvestisiya Holdinqi Korporativ maliyyə və investisiyalar departamentinin Birgə investisiyaların idarə edilməsi şöbəsinə “Aparıcı/böyük mütəxəssis” vəzifəsinə dinamik, müxtəlif investisiya sahələrində, o cümlədən özəl kapital (private equity), infrastruktur layihələri və vençur kapitalı sahələrində geniş təcrübəyə malik namizədlər üzrə vakant yerə işə qəbul elan edir.
Vəzifə funksiyaları:
İnvestisiya fondlarının yaradılması və idarə olunması (origination and management of investment funds):
- Xarici tərəfdaşlarla birgə investisiya fondlarının yaradılması və idarə olunmasında iştirak etmək.
İnvestisiya mənbələrinin müəyyən edilməsi (deal sourcing):
- Özəl kapital (private equity), infrastruktur və vençur kapitalı daxil olmaqla müxtəlif sektorlarda potensial investisiya imkanlarını və mənbələrini müəyyənləşdirmək və təkliflər vermək.
Qiymətləndirmə və hərtərəfli təhlil (valuation and due diligence):
- Hədəf şirkətlərin maliyyə, əməliyyat və hüquqi qiymətləndirmələrini əhatə edən hərtərəfli təhlilini və qiymətləndirilməsini həyata keçirmək.
İnvestisiya əməliyyatlarının icrası (deal execution):
- İnvestisiya əməliyyatlarının icrasında iştirak etmək (strukturlaşdırmaq, müzakirələr aparmaq və tamamlamaq);
- İnvestisiya layihələri və portfel idarəçiliyi üzrə rəhbərliyə strateji məlumatlar və tövsiyələr vermək.
Namizədə dair tələblər:
- Ali təhsil;
- Özəl Kapital İnvestisiya şirkətləri, eyni zamanda Böyük dordlük (Big 4) şirkətlərində investisiya, korporativ maliyyə və digər müvafiq sahələr üzrə ən azı 2 il (aparıcı mütəxəssis) və 3 il (böyük mütəxəssis) iş təcrübəsi;
- Müxtəlif funksional komandalar və beynəlxalq tərəfdaşlarla, həmçinin müxtəlif layihələrdə uğurlu investisiyalar və portfel idarəçiliyi üzrə tutarlı təcrübə;
- Güclü analitik və maliyyə modelləşdirməsi bacarıqları;
- CFA, MBA kvalifikasiyalarına malik olan şəxslərə üstünlük verilir;
- MS Office proqramlarında səlis işləmək bacarığı;
- Dil bilikləri: Azərbaycan dili (mükəmməl), İngilis dili (mükəmməl), Rus dili (orta);
- Əla kommunikasiya və münasibət qurmaq bacarıqları;
- Dəyişkən və dinamik mühitdə uğurla işləmək bacarığı.
Göstərilən tələbləri qarşılayan və vakansiya ilə maraqlanan namizədlər müraciətlərini 23 oktyabr 2024-cü il tarixədək ünvanlaya bilərlər.
Yalnız seçilmiş namizədlərlə əlaqə saxlanılacaqdır.