İnvestorlarla əlaqələr şöbəsinin aparıcı mütəxəssisi

Azərbaycan İnvestisiya Holdinqi Korporativ maliyyə və investisiyalar departamentinin İnvestorlarla əlaqələr şöbəsinə “Aparıcı mütəxəssis” vəzifəsi üzrə vakant yerə işə qəbul elan edir.

Vəzifə funksiyaları:

• Potensial investisiya tərəfdaşları və maraqlı tərəflərlə qarşılıqlı əlaqələrin qurulmasında və qarşılıqlı əməkdaşlığın həyata keçirilməsində komandaya dəstək göstərilməsi;
• Suveren sərvət fondları və institusional tərəfdaşlarla birgə investisiya fondları və platformalarının yaradılmasında komandaya dəstək göstərilməsi;
• Maliyyə platformaları və beynəlxalq investisiya qurumları ilə əməkdaşlığın yaradılması və inkişaf etdirilməsi;
• İnvestisiya imkanlarının müəyyənləşdirilməsi və layihələrin dəyərləndirilməsi məqsədilə müvafiq məlumatların toplanması və təhlili;
• Mövcud və potensial investisiya layihələri üçün hesabatlar və təqdimatların hazırlanması, sözügedən layihələrə dair məlumat bazalarının idarə edilməsi;
• Maraqlı tərəflərlə baş tutmuş görüşlərin protokollarının hazırlamasında və müzakirə zamanı razılaşdırılmış növbəti addımların davamlı monitorinqinin həyata keçirilməsində dəstək göstərilməsi.

Namizədə dair tələblər:

• Ali təhsil (maliyyə, iqtisadiyyat və ya əlaqəli sahədə bakalavr dərəcəsi);
• Maliyyə, investisiyaların təhlili və ya əlaqəli sahələr üzrə ən azı 2 il iş təcrübəsi;
• MS Office və layihələrin idarə edilməsi üzrə müxtəlif proqramlarda səlis işləmək bacarığı;
• Müvafiq sahə üzrə müxtəlif sertifikatlara malik olan şəxslərə üstünlük verilir;
• Dil bilikləri: Azərbaycan dili (mükəmməl), İngilis dili (mükəmməl), Rus dili (arzuolunandır);
• Əla kommunikasiya və münasibət qurmaq bacarıqları;
• Güclü analitik və problem həlletmə bacarıqları;
• Operativlik, dəqiqlik, məsuliyyətlilik və komanda ilə işləmək bacarığı.

Göstərilən tələbləri qarşılayan və vakansiya ilə maraqlanan namizədlər müraciətlərini 31 iyul 2025-ci il tarixədək ünvanlaya bilərlər.

Yalnız seçilmiş namizədlərlə əlaqə saxlanılacaqdır.