Azərbaycan İnvestisiya Holdinqində (AİH) ölkəmizdə səfərdə olan İslam İnkişaf Bankı (İİB) Qrupunun nümayəndə heyəti ilə görüş keçirilib.
Görüş çərçivəsində AİH və AİH-in idarəetməsində olan dövlət müəssisələrinin İİB, İİB Qrupuna daxil olan İnvestisiya və İxrac Kreditlərinin Sığortası üzrə İslam Korporasiyası və Özəl Sektorun İnkişafı üzrə İslam Korporasiyası ilə birgə əməkdaşlıq perspektivləri, potensial dövlət-özəl tərəfdaşlıq layihələri, birbaşa xarici investisiyaların cəlb edilməsi və maliyyələşdirmə imkanları kimi mövzular müzakirə edilib.
